Të enjten është bërë lirimi i më shumë se 600 të burgosurve palestinezë që po mbaheshin në burgjet izraelite, ku në mesin e tyre ishin edhe 24 fëmijë, raporton AP.
Kjo erdhi pas një vonese që Izraeli bëri më parë në lirimin e tyre.
Mijëra njerëz ishin mbledhur për t’I takuar, në mesin e tyre shumë familjar.
“Prej dje e kam pritur, se e kanë futur në listë emrin Hamam, ai është fëmijë, dhe nga dje deri në këtë orë e kam pritur ta përqafoj, por deri më tani nuk ka dalë dhe kam frikë pse nuk ka dalë akoma?” u shpreh nëna e njërit nga të burgosurit që ishte në listë për t’u liruar të enjten.
Njëri nga të burgosurit, Mohammad Salim përshkruajti se me çfarë janë përballur gjatë kohës së burgimit:
“Për më shumë se 150 ditë i jemi nënshtruar rrahjeve dhe poshtërimeve nga më të rëndat, nuk ka asgjë më të keqe se një trajtim i tillë. Sado që kemi biseduar me ta dhe me Kryqin e Kuq, nuk ka pasur kurrë përgjigje nga këta njerëz”.
Si pjesë e marrëveshjes, u bë edhe dorëzimi i trupave të katër pengjeve izraelite, që iu dorëzuan kryqit të kuq nga ushtarët e Hamasit.
Një grup izraelitë që reprezenton familjet e pengjeve ka thënë se trupat e viktimave janë identifikuar.
Kjo ngjarje shënon lirimin më të madh të të burgosurve palestinezë nga Izraeli që nga viti 1985.
