Këto deklarata ai i bëri gjatë një video-lidhjeje me gazetarët të dielën, raporton CNN.
“Lufta e Rusisë në Ukrainë nuk po shkon siç kishte planifikuar Moska. Ajo dështoi të merrte Kievin. Ata po tërhiqen nga rrethi Kharkiv, ofensiva e tyre e madhe në Donbas ka ngecur. Rusia nuk po i arrin objektivat e saj strategjike”, tha Stoltenberg.
Tutje ai tha se ukrainasit po e mbrojnë me guxim atdheun e tyrë dhe për këtë, aleatët e tyre kanë angazhuar dhe ofruar ndihmë sigurie me vlerë miliarda dollarë.
“Aleatët shprehën mbështetje të fortë për Ukrainën dhe forcim të mëtejshëm të parandalimit të NATO-s në mbrojtje dhe implikimet afatgjata të luftës duke përfshirë qëndrimin tonë të ardhshëm ndaj Rusisë”, shtoi ai.
