Pas katër muajsh nga vdekja e tij tragjike, janë zbuluar detaje të reja nga raporti toksikologjik i Liam Payne, anëtar i grupit të njohur “One Direction”.
Sipas një njoftimi për shtyp të 25 shkurtit nga Zyra Kombëtare e Prokurorisë Penale dhe Korrektuese, testi ka treguar se Payne kishte një nivel alkooli në gjak prej 0,27 përqind në momentin e vdekjes së tij, më 16 tetor, në moshën 31-vjeçare.
Ky nivel i alkoolit është më shumë se trefishi i kufirit ligjor të alkoolit për vozitje në Shtetet e Bashkuara, që është 0,08 përqind, dhe klasifikohet si dehje e rëndë.
Shkaku i vdekjes së Liam Payne është konfirmuar si “politraumë”.
Payne, i njohur për hite të shumta me grupin “One Direction”, kishte vazhduar karrierën si solo artist pas ndarjes së grupit, duke ruajtur marrëdhënie të mira me anëtarët e tjerë./TAR
