Liria e Prizrenit pritet të dënohet nga Disiplinori i FFK-së për parregullsitë në ndeshjen me Vëllaznimin.
Ndeshja e Ligës së Parë u zhvillua në fundjavë, ndërsa u fitua 1:0 nga prizrenasit.
Komisioni i Garave ka bërë inicim disiplinor ndaj Lirisë për lëshim në organizim të ndeshjes.
“Pas shënimit të golit të vendasve në minutën e 47-të, tifozët vendas hedhin fishekzjarrë në fushë duke ndërprerë ndeshjen për disa minuta. Pas përfundimit të ndeshjes disa tifozë të FC Liria kalojnë rrethojat dhe hyjnë në fushë për të festuar fitoren, mirëpo disa prej tyre sulmojnë lojtarët dhe stafin teknik të mysafirëve. Si pasojë dy lojtarë të KF Vëllaznimi kanë pësuar lëndime. Vlen të përmendet se tifozët vendas prej fushës gjuajnë me mjete të forta tifozët mysafirë të cilët ishin në tribuna”, shkruan në vendimin e Komisionit të Garave.
