Ambasadori gjerman në Kosovë, Jorn Rohde, ka uruar përvjetorin e 17-të të Pavarësisë së Kosovës.
Në një video të publikuar në nga ambasada e Gjermanisë në Kosovë, nga disa pjesë të kryeqytetit e duke pirë kafe, ai ka thënë se Pavarësia e Kosovës është realitet.
“Në emër të Gjermanisë dhe gjithë ambasadës gjermane, ju shpreh urimet më të përzemërta. Gjermania është krenare duke qëndruar pranë jush, duke mbështetur rrugëtimin tuaj. Marrëdhëniet tona bilaterale janë testament i lidhjes së fortë mes dy kombeve tona. Pavarësia e Kosovës nuk është vetëm simbol, por realitet”, ka thënë ai.
