Skuadra e Llapit është kthyer te fitorja pas një kohe të gjatë në Superligën e Kosovës në futboll.
Llapi i kishte 12 ndeshje pa fitore në ligë.
Por të dielën pasdite, Llapi e mposhti në udhëtim skuadrën e Feronikelit 74 me rezultatin e thellë 3:0.
Kjo ndeshje i takoi javës së 20-të të elitës së futbollit kosovar.
Për 1:0 shënoi Valmir Veliu në minutën e dhjetë.
Armend Halili shënoi autogol në minutën e 60-të për rezultatin 2:0 në të mirë të Llapit.
Veliu e shënoi golin e dytë personal dhe të tretin në ndeshje në minutën e 66-të.
Llapi pavarësisht fitores është në pozitën e parafundit me 21 pikë.
Feronikeli 74 është në vendin e fundit me dhjetë pike.
