Ndonëse përvjetori i pavarësisë së Republikës së Kosovës nuk është edhe 4 ditë, festa ka filluar në shkollat në vend.
Flamujt kaltër e verdhë, janë vendosur që në hyrje të shkollës “Emin Duraku në Prishtinë.
Muzika patriotike, jehonë gjithandej në këtë institucione arsimor.
Mësues, nxënës mysafirë të shumtë ishin mbledhur të enjten në hapësirat e kësaj shkolle të kryeqytetit, për të nisur kështu festën e 17 vjetorit të pavarësisë.
Për rëndësinë e kësaj dite para të pranishmeve foli drejtori, Visar Osmani.
“Falë sakrificave, falë angazhimeve, falë luftës të pashoq të gjeneratave të kaluara ne sot festojmë lirinë dhe gëzojmë lirinë të cilin e kemi merituar dhe janë sakrifikuar shuam gjenerata. E flas në çdo festë është fat i madh,që jemi një institucion e cila i ka pri procesit të pavarësisë së Kosovës që nga vitit 1981-1999. Falë sakrificës së mësimdhënësve tonë, falë sakrificës së pensionerve tonë, ne sot kemi ndërtuar një shtet i cili është zhvillu dh është shprese për gjeneratat e reja”, tha Osmani.
E nxënësit e lindur pas pavarësisë tregojnë domethënien e 17 shkurtit për ta.
“Dita e 17 shkurtit për mu është një festë shumë e rëndësishme, na tregon se çfarë shteti i fortë jemi dhe sakrificat që njerëzit kanë bërë për një shtet kaq të rëndësishëm”, u shpreh nxënësja Klea Rusinovci.
“Për mu 17 shkurti do të thotë një zemër për mua, është një lumturi, dhe të gjithë dëshmorët tanë kanë dhënë mundin që unë të jem këtu tani”, tha Arba Kosumi.
“17 shkurti për mua do të thotë një festë shumë e rëndësishme sepse është festa e venit tim”, tha Poema Lohaj, nxënëse.
Nxënësit e kësaj shkolle përmes pikave të ndryshme artistike kishin përgatitur programin e tyre festiv për nder të 17 shkurtit.
