Kryebashkiaku i Tiranës, Erion Veliaj ka dalur para Gjykatës së Posaçme të mërkurën.
Gazetari nga Shqipëria, Aleksandër Çipa ka thënë se sot pritet për tu dhënë masa e sigurisë për ecurin e mëtejshme të procesit.
Tutje, ai ka thënë se arrestimi ka të bëjë me shpërdorime në këto dy vitet e fundit të qeverisjes së fundit të Veliajt.
“Në çastin që po flasim pritët për tu dhënë masa e sigurisë për ecurin e mëtejshme të procesit në këtë fazë. Një pjesë e mirë e Velijaj dhe stafit të Bashkisë së Tiranës janë ende prezent në mjedisin para selisë se SPAK për të dëshmuar mbështetje. Në rastin konkret bëhet fjalë për shpërdorime që kanë të bëjnë në dy vitet e fundit… “, ka deklaruar ai.
Çipa tha se ky rast ka rikthyer përplasjen politike pozitë –opozitë në Shqipëri.
“Rasti i arrestimit të Velijaj ka rikthyer përplasjen politike në mes të pozitës dhe opozitës në Shqipëri. Kjo natyrisht e stimuluar se ne jemi në procesin e fushatës zgjedhore të zgjedhjeve të 11 majit… qëndrimi I dy ditëve të fundit i Ramës i cili jo vetëm që e ka atakuar prokurorinë e posaçme, por në mënyrë të drejtpërdrejtë ka kundërshtuar dhe dënuar vendimin e gjykatësit që firmosi arrestimin e Erion Veliaj”, ka deklaruar ai në emisionin “Ditari” në Tëvë1.
Ndryshe, Veliaj është arrestuar këtë të hënë me urdhër të SPAK.
Ndaj Veliajt, Prokuroria e Posaçme po kryente hetime lidhur me disa akuza, si shpërdorim detyre, korrupsion aktiv, korrupsion pasiv, mosdeklarim i pasurisë dhe pastrim parash.
