Hykolli në emisionin “Ditari” në Tëvë1, tha se për pagën minimale janë të interesuar të diskutojnë në Këshillin Ekonomiko-Social dhe t’i rekomandohet qeverisë të procedojë tutje.
“Ne jemi të interesuar që paga minimale sa më shpejt të diskutohet në këshillin ekonomiko social dhe t’i rekomandohet qeverisë. Paga minimale nuk është negociuar që nga viti 2011 dhe për këtë arsye e kemi gjendjen të cilën e kemi”, tha ai.
Sipas tij, nëse ishte negociuar çdo fund vit për pagën minimale, tani do të ishte një pagë e arsyeshme dhe nuk do të kishte nevojë që të shkohet në Kuvend.
“Në Këshillin Ekonomiko-Social është diskutuar dhe kanë qenë dy rekomandime për pagën minimale dhe asnjëra nga to nuk i ka marrë votat e mjaftueshme, d.m.th 2/3. Është shumë e rëndësishme kjo të ceket se paga minimale është dashur të kryhet dhe të fillohet negocimi për vitin e ardhshëm. Për këtë pagë minimale që flasim ne sot po të ishte negociuar çdo herë që është me ligj të negociohet çdo fund vit, ne do të kishim një pagë minimale të arsyeshme dhe sot nuk do të kishte nevoje që kjo pagë minimale të shkoj në Kuvend”, ka thënë Hykolli.
Ai si kryesues si BSPK-së thotë se së shpejti do ta thërras këshillin ekonomiko-sociual dhe do të vendosin rreth pagës. /teve1.info/
