Veton Mujaj nga Demokracia në Veprim ka thënë se është hera e parë e një sistemi të numërimit të votave nëpër komuna të Kosovës.
Sipas Mujës, procesi i numërimit në këtë model të ri sipas tij nuk dihet se sa do të zgjatë.
Madje, sipas tij është shqetësuese vonesa e numërimit të votave.
“Është hera e parë që po përdorim një sistem të tillë të numërimit të votave nëpër komuna, ne kemi menduar se së paku fillimi të jetë i menjëhershëm, kjo shtyrje pak e disa ditëve, njëkohësisht edhe fillimi i mangët sot ka filluar numërimi për kandidat nëpër katër komuna dhe pastaj nuk kemi një informacion të saktë se kur fillon nëpër komuna të tjera, por të njëjtën kohë nuk kemi edhe një informatë dhe askush nuk e di besoj në Kosovë se sa do të zgjatë ky proces i numërimit në këtë formë sepse është një model i ri. Është pak shqetësuese fakti pse po ka vonesa kur do të duhej të ishte një vullnet pak më i madhë dhe një profesionalizëm pak më i shtuar në mënyrë që këta të numërohen sa më përpara”, ka deklaruar Mujaj në emisionin “Ditari” në tëvë1.
Ndërkohë, ai ka folur edhe për mosfunksionimin e ueb-faqes të KQZ-së në ditën e zgjedhjeve ku ka thënë se ka qenë zhgënjyese.
“Mosfunksionimi i ueb-faqes ka qenë një zhgënjim shtesë në këtë drejtim, kemi reaguar për shkak se faktikisht Kosova vazhdimisht ka shkuar në drejtim të zhvillimit më të suksesshëm mbas secilës palë të zgjedhjeve dhe një mungesë e tillë të shtangon procesin se mos po gabojmë dhe faktikisht mundet me i bë pak skeptik qytetarët në raport me ato se cilat janë veprimet konkrete të KQZ-së”, ka theksuar ai./teve1.info/
