Gërvalla thotë se nuk ka indikacione që në akuzat kundër tij ka diçka të vërtetë.
“E kam një deklaratë të gjatë disa-faqëshe të ambasadorit Berishaj. Ai ka qenë në ministri dhe kemi biseduar gjerë e gjatë për atë që ne e konsiderojmë kampanjë të bazuar në një shkrim të një mediumi slloven që pastaj ka marrë dhenë. Kam biseduar me autoritete të shteteve të ndryshme lidhur me këtë dhe deri në këtë moment nuk ka asnjë indikacion që në akuzat e atij mediumi ka diçka të vërtetë”, ka thënë ajo.
Po ashtu, kryediplomatja ka deklaruar se një ambasador nuk pezullohet apo shkarkohet vetëm duke u bazuar në shkrimin e një mediumi.
Ndryshme, ambasadori i Kosovës në Kroaci, Martin Berishaj para një muaji është akuzuar për përfshirje në një skandal financiar. Për aferën ndaj Bershajt kanë shkruar mediat sllovene. Ishte mediumi “Planet TV”, i cili raportoi për aferën financiare të kryetarit të partisë Lëvizja për Liri, Robert Golob, i cili është duke u hetuar ndërkombëtarisht për disa transaksione që i ka dërguar nga një degë serbe e furnizuesit energjetik slloven GEN-I, te kompania e ambasadorit kosovar, MB Consulting. Kompania MB Consulting e Berishajt supozohet se ka marrë 600 mijë euro, të cilat janë tërhequr vazhdimisht në para të gatshme. Këto pretendime i ka mohuar vetë ambasadori Berishaj. /teve1.info/
