Avokati, Visar Rrecaj ka thënë se rezultati i zgjedhjeve të 9 shkurtit për të gjitha partitë politike ka qenë i pritshëm.
Sa i përket mosarritjes se 500 mijë votave nga LVV, Rrecaj tha se nuk mund të kërkosh ato vota dhe të mos ofrosh asnjë program për zhvillimin e Kosovës.
Tutje, ai tha se rezultati i zgjedhjeve ka dëshmuar se nuk do të ketë më një parti që do të udhëheqë me 50-60% të votave dhe sipas tij kjo është mirë për demokracinë.
“Është një rezultat i pritshëm për të gjitha partitë që kanë garu në këto zgjedhje. Ky është vendimi dhe verdikti i qytetarit. Natyrisht që LVV nuk i fitojë 500 mijë vota sepse ishte e natyrshme që të mos i fitonte, sepse nuk mund t’i kërkosh 500 mijë vota dhe të mos ofrosh asgjë pa një program, platformë zhvillimore për Kosovën dhe më një fushate që ishte vetëm me shaka dhe humor. Më nuk do të ketë një parti me 50-60% të votave dhe kjo është e shëndetshme për demokracinë në Kosovë sepse u provuam me një qeverisje një partiake dhe nuk kanë arritë me qeverisë mirë…”, ka deklaruar ai në emisionin “Info Nata” në Tëvë1.
