Lidhja Demokratike e Kosovës e cila sipas rezultateve preliminare pa votat e diasporës ka marrë 146241 vota, pret që pas numërimit të votova edhe nga diaspora të arrijë në 175 mijë vota.
Kështu është shprehur kryetari i degës së LDK-së në Mitrovicë dhe kandidati për deputet, Gëzim Plakolli.
Ai ka thënë se LDK është partia me rritjen më ta madhe prej 75 mijë vota dhe siç është shprehur nuk ka vend për zhgënjim
“Rezultati besoj që do të dalim në 18% që deri në numërimin e kutive të fundit dhe me votat nga diaspora po besoj që do të arrijmë deri në 175 mijë vota. Një rritje prej 75 mijë vota nuk është dështim, jemi partia me rritjen më të madhe, nuk ka vend të nxjerrim konkluza që i humbën zgjedhjet”, ka thënë Plakolli në emisioni “InfoNata”.
Sa i përket hapave të ardhshëm për hyrje në ndonjë koalicion për formimin e qeverisë, Plakolli është shprehur se janë në pritje të përfundimit të procesit të përfundimit të numërimit të votave dhe më pas do të vendoset në kryesinë e partisë.
