Mbi 1 mijë 500 qytetarë kanë votuar me kusht në qendrën e votimit në Fakultetin e Edukimit në Prishtinë.
Menaxheri i Qendrës së votimit, Milaim Mazreku ka thënë se gjatë procesit nuk ka pasur parregullsi derisa i ka përgëzuar qytetarët për pritjen.
Tutje ai ka thënë se janë duke pritur për kuti të reja nga KQZ pasi janë në fazën kritike të përfundimit të tyre.
“Deri në orën 15:00 kanë votuar 1561 votues. Është interesim i jashtëzakonshëm për të votuar me kusht… i përgëzoj qytetarët për durimin të cilët janë duke pritur më radhë. Unë si menaxher bashkë edhe komisionerët do të jemi të angazhuar deri në votuesin e fundit, pra do të qëndrojmë pranë tyre. Pritjet mund të jenë 10-15 minuta. Jemi dukë bërë presion tek Komisioni Qendror Zgjedhor, jemi në fazën kritike të kutijave të votimit. Ka premtime nga KQZ që janë rrugës duke ardhur kutiat e reja të votimit”, ka deklaruar ai në Tëvë1.
