Lushtaku theksoi se kryeministri i vendit Albin Kurti pasi ka ardhur në Qeveri i ka harruar fjalët që ka thënë para se të vinte në pushtet, shkruan teve1.info
“Gjithsesi ju si LVV dhe qeveria Kurti e dimë shumë mirë që kanë harruar shumë me marrjen e karrigës së pushtetit dhe një ndër çështjet që e kanë harruar, po shihet qartë qe e kanë harruar dialogun social. Dhe fatkeqësisht edhe në këtë pjesë të projektligjit që synon rritjen e pagës minimale, që në esencë e mbështesim rritjen e pagës minimale, por atë duke bërë me një dialog social siç është e përcaktuar edhe me ligjin e pagës”, tha ai.
Deputeti Lushtaku shtoi se në fushatën e vitit 2019 Kurti kishte premtuar pagë minimale jo më të vogël se 350 euro, dhe sipas tij, kjo është një shkelje tjetër e premtimit të tij.
“E dimë shumë mirë që kryeministri Kurti ka premtuar që paga minimale të jetë jo në e vogël se 350 euro, në fushatën e 2019-tës. Dhe ne kemi parë që në këtë propozim që do të vjen pas edhe miratimit edhe këtij projektligjit do të jetë paga 250 euro. Që është një shkelje tjetër e premtimit të tij si lider i LVV”, tha Lushtaku. /Teve1.info/
