Kanë mbetur edhe tri dite deri tek data 9 shkurt kur qytetarët do ti drejtohen kutive për të votuar.
E në ditën e zgjedhjeve sipas praktikave të kaluara, tentimet për shkelur ligjin nuk mungojnë.
Sipas Instituti i Demokratik të Kosovës në vitet e kaluar më se shpeshti është tentuar të dëshmohet votimi përmes fotografimit.
“Si shkelje me e shpeshtë apo si fenomen ka qenë fakti i fotografimit të votës pra ka pasur mjaftë raste kur janë nxënë duke fotografuar votën edhe pse ishte e ndaluar dhe e kundërligjshme edhe pse kishte thirrje të vazhdueshme si nga ana e KQZ-së si nga ana e shoqërisë civile pasi vota është proces i fshehtë e asesi të mos fotografohet në publik”, ka thënë Vullnet Bugaqku nga KDI.
Por nuk mungojnë as shkeljet e tjera.
“Në të kaluarën rastet të cilat mund të ndodhin edhe tani janë tentimi i qytetarëve për të votuar disa herë në një qendër të votimit apo në qendra të ndryshme të votimit, poashtu ndërhyrja apo kanosja e komosionerëve apo edhe tentimi për të ushtruar presion ndaj votuesve të tjetër se si do të përcaktohen në mënyrën e votimit”, tregon ai.
Juristi Anton Nrecaj, tregon se cilat janë format e dënimit në rast se qytetarët shkelin ligjin.
“Praktika në të kalumen ka treguar se këto janë të dënueshme me gjobë varësisht nga kualifikimi i veprës penale dhe natyrisht janë të dënueshme me burgim. Në ditën e zgjedhjeve e para nuk është e lejuar që asnjë parti politike të bëjë fushatë që ta votoj atë parti, është e lejueshme që partitë të dalim dhe të bëjnë thirrje për votim”, thotë Ndrecaj.
E për shkeljet që bënë gjatë fushatës, partitë politike morën dënime qindra mijëra eurosh.
