Alphonso Davies ishte objektiv nga shumë klube, duke përfshirë Barcelonën dhe Real Madridin në La Liga, por edhe klubet angleze.
Agjenti i tij Nedal Huoseh ka zbuluar se pavarësisht interesimit nga kaq shumë klube, opsionet e Davies ishin të kufizuara.
“Kishte interesim nga disa klube spanjolle, por siç e dini, ne folëm vetëm me disa klube, ndoshta tre ose katër”.
Agjenti i mbrojtësit të Bayernit shtoi se klubet kanë kërkuar që negociatat të mbetnin të fshehta.
“Disa klube na kërkuan t’i mbajmë negociatat konfidenciale dhe unë e respektova këtë. Por në Ligën Premier ka pasur interes nga dy-tre klube, si dhe nga Spanja”.
“Megjithatë, opsionet e lojtarit ishin të kufizuara: vetëm rreth pesë klube treguan interes të vërtetë për nënshkrimin e tij”, deklaroi Nedal Huoseh.
Davies ka zgjatur kontratën me Bayernin deri në vitin 2030.
