Në konferencën e tij për shtyp me Benjamin Netanyahun, Trump sugjeroi se marrja e pronësisë së Gazës nga SHBA do të krijonte stabilitet në Lindjen e Mesme.
BBC ka marr opinionet e civilëve në Gaza dhe reagimet e tyre në lidhje me këto deklarata. Akram është vetëm njëri nga banorët aty që e ka kundërshtuar këtë, duke argumentuar se kjo do të “sillte më shumë shkatërrim dhe luftime në rajone të ndryshme, jo vetëm në Gaza, por edhe në vendet përreth”.
Rewaa Mohsen, një infermiere në qytetin Deir al-Balah, në qendër të Gazës, duke i përshkruar komentet e Donald Trump si “të pakuptimta”, tha:
“Aq më bën për atë që ai thotë … ai nuk do të na detyrojë të shkojmë ose të largohemi.”
“Ushtria izraelite na vrau, por ne mbetemi në shtëpitë tona të shkatërruara. Ne nuk kemi nevojë për jetë jashtë tokës sonë dhe nuk do të largohemi as një metër prej saj, kështu që ai le të thotë çfarë të dojë – ai nuk mund të na mundë.”
“Unë jam duke pritur të rindërtoj shtëpinë tonë dhe të jetoj në të, dhe as Trump dhe askush tjetër nuk ka rëndësi për ne,” tha Jamalat Wadi për BBC.
“Nëse në fëmijët tanë kanë mbetur vetëm një pikë gjaku, ne nuk do të dalim nga Gaza dhe nuk do të heqim dorë prej saj,” thotë ajo. “Ne do të jetojmë në rrënojat tona sikur të mos kishte ndodhur asgjë dhe Gaza do të rindërtohet.”
Këtë propozim të Trumpit e kanë kundërshtuar edhe vendet arabe dhe ambasadorët e OKB-së.
