Në vitin 2024, në vendin tonë u regjistruan rreth 4 mijë raste me të gjitha llojet e tumoreve. Shifrat më të larta ishin për kancerin e gjirit tek gratë dhe të mushkërive tek meshkujt.
“Gjiri prek gratë nga mosha 20 e ca vjeç deri në 90 vjeç . Nëse risku për një grua është 1 në 400 gra me rritjen e moshën në 70 vjeç shkon 1 në 12, kanceri pulmonary, duhanpirja dhe koha e duhanpirjes kanë impakt në shfaqjen”,-tha Anila Pema, mjek onkologë.
15 paciente çdo ditë konsultohen në shërbimin e kimioterapisë për mënyrën e trajtimit të sëmundjes.
“Në kimio terapi bëhen 14-15 vizita çdo ditë që konvertohen në afro 3000 konsulta kimioterapie në vit një pjese janë paciente që e kanë kapur hershëm dhe vazhdojnë me mjekim dhe s’ka nevojë për kimio sikundër disa janë pacientë që kanceri është rikthyer”,-tha mjekja Anila Pema.
Sipas mjekëve, sëmundjet tumorale, jo vetëm por rriten por ato po hasën gjithmonë e më shumë tek moshat e reja. Veç gjenetikes, faktorët janë të shumtë.
“Ka dhe faktorë ambiental, stili i jetesës, ushqimet ndotja këto janë element që janë vlerësuar në botë, por dhe stresi duhanpirja”
Disa pacientë, shkojnë vonë tek mjeku, duke mos I shpëtuar fundit fatal, por si dhe kur jemi në kohë për të parandaluar.
“Kanceri i qafës së mitrës në vlerësimin e paptestit, kanceri i kolonit në moshën 50 vjeçare , kanceri pulmonary me anë të një skaneri , për ata që vuajnë nga duahnpirja, mamografi për kancerin e gjirit pas moshën 40 vjeçare”,-tha mjekja.
Sipas të dhënave të OBSH, 1 në 4 persona në Evropë janë të predispozuar për të bërë kancer, ndaj fokusi është tek parandalimi dhe kapja e hershme.
