Ministrja e Punëve të Jashtme dhe e Diasporës, Donika Gërvalla e ka sqaruar deklaratën e saj për kryetarin e AAK-së Ramush Haradinaj.
Ajo në emisionin “Këndi i Debatit” në Tëvë1 ka thënë se “heroi i Cakorrit” është një njollë e cila do t’i mbetet përherë Haradinajt.
Tutje, sa i përket gjuhës së përdorur ajo ka thënë se Haradinaj është mjeshtër i viktimizimit në momentin që iu kthehej më të njëjtën gjuhë që ai përdor.
Më tej ajo tha se pjesa tjetër e deklaratës në Deçan nuk ka të bëjë me Haradinajm, por me persona të tjerë të cilët janë pjesë e listës së atij koalicion.
“Tek heroi i Çakorrit ajo është një njollë e cila Ramush Haradinajt do ti mbetet për krejt jetën sepse pati bërë shumë zhurmë për tu dorëzuar në fund për asgjë, ndërsa pjesa tjetër nuk ka të bëjë fare me të. Dhe është shumë për tu habitur se pikërisht personi Ramush Haradinaj kryetare i Aleancës për Ardhmërinë e Kosovës është njëri i cili përdorë gjuhën më të ashpër dhe më të papërgjegjshmen ndaj kundërshtarëve të tij politik, mirëpo është mjeshtër i viktimizimit në momentin që iu kthehej më të njëjtën gjuhë. Pra ose je burrë zgjedh fjalorë të fortë dhe qëndron fortë edhe kur e merr përgjigjen në të njëjtën gjuhë ose nuk je përdorë gjuhë të ashpër, gjuhë të palejueshme nga foltorja e Kuvendit dhe në fushatë dhe në momentin kur dikush ta kthen kthehesh dhe fshihen nën jorganin e PZAP-së”, ka deklaruar ajo.
Më tej ajo tha se pjesa tjetër e deklaratës në Deçan nuk ka të bëjë me Haradinajm, por me persona të tjerë të cilët janë pjesë e listës së atij koalicion.
“Pjesa tjetër nuk ka të bëjë me Ramush Haradinaj, ka të bëjë me persona të tjerë të cilët janë pjesë e listës së atij koalicion”, ka thënë ajo./teve1.info
