Presidenti i SHBA, Donald Trump po planifikon të lëshoj një urdhër ekzekutiv për të shpërbërë dhe ndal financimin për Departamentin e Arsimit, duke synuar mbylljen e tij eventuale, duke përmbushur me këtë një qëllim të gjatë konservator, sipas raportimit të mediave lokale.
Rreth 20 anëtarë të stafit nga Departamenti i Efiçencës së Qeverisë i Elon Musk – një komitet i ri këshillues, jo një divizion i kabinetit si arsimi – i janë bashkuar Departamentit të Arsimit për të ulur kostot dhe për të shkurtuar stafin, sipas The Washington Post.
Konservatorët kritikuan ashpër Departamentin e Arsimit nën ish-Presidentin Joe Biden, veçanërisht për faljen e huave studentore dhe mbrojtjen e zgjeruar të grupit LGBTQ.
Urdhri ekzekutiv nuk do të mbyllë departamentin, pasi vetëm Kongresi mund ta bëjë këtë. Ndërsa legjislacioni për ta eliminuar atë është i mundur, dhe do të kërkonte 60 vota në Senat, duke përfshirë mbështetjen nga të paktën shtatë demokratë, të cilët në përgjithësi mbështesin departamentin, njoftoi AA.
Konservatorët amerikanë kanë argumentuar prej kohësh se arsimi duhet të jetë një përgjegjësi lokale, duke pretenduar gjithashtu se liberalët përpiqen të përdorin mandatet federale për të promovuar idetë e krahut të majtë.
