Kandidatja për deputete nga koalicioni AAK-Nisma, Lavdije Deliu ka thënë se jemi duke marrë një mbështetje të madhe nga qytetarët gjatë fushatës elektorale.
Ajo ka thënë se programi i tyre është më i kompletuari nga të gjitha partitë politike.
“Programi ynë është më i kompletuari nga të gjitha partitë tjera politike deri tani. Të gjithe e dinë që shtylla kryesore e plan programit të koalicionit tonë është edhe anëtarësimi në NATO që të gjithë e dimë që siguria e qytetareve është në rend të parë… Është e papranueshme gjuha që është përdor gjatë kësaj fushate e më theks të veçantë mundemi me u ndal të gjuha e kryeministrit, Kurti”, ka deklaruar ajo në emisionin “Ditari” në Tëvë1.
Tutje, ajo tha se Haradinaj, Limaj dhe Lushtaku kanë dal fitues gjatë kohës së luftës në Kosovë dhe se do të dalin edhe në këto zgjedhje.
“Përderisa tre liderët e koalicionit z. Haradinaj, z. Limaj dhe gjeneral Nuredin Lushtaku kanë dal fitimtarë edhe gjatë kohës së luftës besoj që do të dalin fitimtarë edhe në këto zgjedhje. Këta veç se e kanë treguar kontributin e tyre gjatë asaj periudhe dhe besoj shumë se kurkush ma mirë se kjo treshe nuk mundet me udhëheqë. Besojë shumë se do të dalin fitues edhe në këtë garë”.
