Tash e sa vite është lënë në gjysmë.
Ky është objekti i spitalit në Ferizaj, që ishte planifikuar vite më parë të përfundohej.
E të nevojshëm ndërtimin e tij po e shohin qytetarët e kësaj Komune.
“Bën me pas, nuk është keq çka do që bëhet mirë është”, thotë Ahmet Hashani qytetar.
E një ferizajas pretendon se i di arsyet e moskryerjes me kohë së punimeve të spitalit.
“E nevojshme është po mendoj si kërkesë, meqenëse Ferizaj tashmë është mbipopulluar dhe si qendër Regjionale por fakti pse nuk është bërë deri më tash është për shkak që Qeveritë e kaluara edhe Komunale edhe Qendrore kanë bërë abuzime të shumta”, shprehet Gjin Hajrullahu.
Si të domosdoshëm ndërtimin e spitalit në Ferizajt, e shohin edhe nga Rrjeti i Organizatave Jo-Qeveritare AVONET.
“Nevojat e mëdha për qytetarët e regjionit të Ferizajt e më gjerë kanë qenë jashtëzakonisht me vite të tëra. Por duke e parë shumë të rëndësishme e të nevojshme me pas një spital të tillë ne ende nuk e kemi. Domethënë si katër vjeçar si kryeministër i vendit nuk ka arritur ta realizojë, të finalizojnë një projekt të tillë. Për mu është shqetësuese dhe mbetet shqetësim”, thotë Kenan Gashi.
Kurse sipas zëdhënësit të kësaj Komune, Selim Marevci neglizhenca e punimeve ka qenë politike.
“Është dashur të përfundojë në vitin 2021. Mirëpo, fatkeqësisht ndërrimi i Qeverive në këtë rast edhe i Qeverisë Kurti 1 dhe pastaj edhe Kurti 2, ka bërë që të përlongohet jashtëzakonisht shumë puna e Spitalit duke gjetur lloj lloj arsyetimesh qoftë me bazë qoftë pa bazë.00:48-01:05Sipas informatave që kemi është thënë që është kryer pjesa e fizibilitetit, sa i përket kësaj pjesë të fizibilitetit se Spitali vetëm ka qenë aty së ndërtuari dhe tashmë pritet pjesa e tenderimit për vazhdimin e punimeve të Spitalit”, thotë ai.
Sipas këtij të fundit, projektet për Komunën e Ferizajt, Qeveria Kurti nuk i ka pasur prioritet asnjëherë.
Ndërtimi i këtij spitali kishte nisur që nga viti 2018.
