Nol Nushi nga PSD thotë se është fatkeqësi se gjatë fushatës ka gjuhë të urrejtjes dhe tendenca që sipas tij vinë kryesisht nga pushteti.
Madje, ai këtë fushatë nga pushteti e quan paralajmërim të rrezikut që i kanoset Kosovës.
“Fushata është më e gjatë, nuk kemi jemi mësuar me pas fushatë nga 30 ditë sepse duke pasur parasysh që zgjedhjet kanë qenë të jashtëzakonshme herëve të fundit kanë qenë fushata 10 ditore tani janë 30 ditë dhe e kam përshtypjen që kanë filluar me u bë edhe pak bajat, është fatkeqësi se hitet e fushatës janë më shumë gjuha e urrejtjes dhe tendencat që vinë kryesisht prej pushtetit që i ka tashmë 50% po me diskursin e tij ai po dëshiron të merr krejt votat edhe kjo mendoj që është taktikë e fushatës por ne si PSD e lexojmë si paralajmërim i rrezikut që i kanoset Kosovës prej pushtetit të tillë i cili synon që me kap gjithçka, ka deklaruar Nushi në emisionin “Ditari” në Tëvë1.
Ndërkohë, deklaratën e Kurtit i cili e ka përdorur në fushatë “simpatizantët po donë që unë me ua rrit fëmijët”, Nushi e shef si të rrezikshme.
“Kjo është e rrezikshme si deklaratë pavarësisht që aty njerëzit bërtasin, kjo është e rrezikshme në disa nivele, ofenduese në disa nivele, ky i ofendon ata njerëzit përballë që ju nuk dini me i rrit fëmijët dhe po m`i jepni mu me ua rrit unë fëmijët. Kurti nuk e rrit fëmijën e vet, ai rrallë e shef brenda vitit ai e ka fëmijën e vet i cili edukohet në parajsën e mirëqenies sociale në Norvegji e po i fton qytetarët që me ia qu fëmijët këtij që me i edukua në kushte shumë të rënda”, shtoi Nushi./teve1.info/
