Skuadra e Barcelonës ka marrë masa për ta siguruar mesfushorin Pedri për një periudhë edhe më të gjatë.
Klubi spanjoll, të enjten ka njoftuar se Pedri ka firmosur kontratë të re, e cila do ta mbajë te Barcelona deri në verën e vitit 2030.
Në njoftimin e Barcelonës, thuhet se Pedri është njëri prej lojtarëve kyç të ekipit dhe prej mesfushorëve më të mirë në botë.
22-vjeçari në vitin 2020 ishte kthyer te Barcelona pas huazimit nga Las Palmasit dhe menjëherë kishte siguruar vendin e titullarit te katalunasit.
Ai me 17 vjeç ka debutuar te Barcelona, ndërsa ka vazhduar ngritjen e tij sezon pas sezoni.
Në këtë sezon, Pedri ka shënuar 4 gola dhe ka bërë po aq asistime në 32 paraqitje për Barçën në të gjitha garat.
