Ministrja e Drejtësisë, Albulena Haxhiu, ka fajësuar Sami Lushtakun që ka tentuar ta sulmojë eskortën e kryeministrit të Kosovës, Albin Kurti në fushatën zgjedhore të hënën në Skenderaj.
Jeton Halimi nga ISEG në emisionin “Ditari” në Tëvë1 ka thënë se Haxhiu nuk është dashur të bëj akuza të tilla ndaj Lushtakut.
Ai ka shtuar se Lushtaku ka qenë luftëtar dhe komandant në atë zonë dhe sipas tij as Haxhiu dhe as askush tjetër nuk mund t’ia heqin mundin e tij.
“Nuk duhet të vinin akuza të tilla aq më pak nga një ministre që është për të rregulluar sistemin juridik , e dimë çfarë ministre kemi në aspektin profesional është total analfabete dhe e dobët dhe në vend që të rregullojë sistemin juridik bën kështu. Kjo nuk i bën mirë as Haxhiut as Vetëvendosjes aq më pak të sulmoj në kohë fushate një njeri shumë të suksesshëm, një luftëtar, e dimë shumë mirë që Lushtaku ka qenë luftëtar dhe komandant i asaj zone dhe nuk mund t’ia heqin mundin jo zonja Haxhiu, por asnjë njeri tjetër. Pra këto janë veprimet e tyre aspak të matshme dhe aspak profesionale por le të jetë në ndërgjegjen e tyre se mundohen t’i sulmojnë njerëzit e suksesshëm vetëm për kalkulime politike”, ka deklaruar Halimi.
