Burim Ugzmajli – kandidat për deputet nga koalicioni AAK-Nisma ka treguar se pika kyçe e programit të tyre është hyrja e Kosovës në NATO.
I ftuar në emisionin “Ditari” në tëvë1, ai thotë se liderët e koalicionit AAK dhe Nisma janë liderë që kanë dhënë kontribut për këtë vend gjatë luftës dhe pas.
“Ne e kemi programin për arsimin, sportin për ushtrinë, pika kyçe do të jetë fokusi kyç i programit është hyrja direkt në NATO e Republikës së Kosovës. Liderët e këtij koalicioni e kanë fitua luftën normalisht e kanë ndërtua paqen dhe e kanë bërë Kosovën ky shtet që është i ri, shtet modern edhe mendoj që me 9 shkurt ka me fitua Kosova nëse fiton koalicioni ynë AAK dhe Nisma bashkë, janë liderët tonë që kanë dhënë për këtë vend shumë, jo vetëm në luftë por edhe pas luftës. Kuvendit të Kosovës i ka munguar Nisma social-demokrate”, ka deklaruar Ugzmajli.
I pyetur për takimin e djeshëm të partisë në pushtet në Skenderaj si dhe akuzat e ministres Haxhiu ndaj Lushtakut, Ugzmajli i sheh provokime të qytetarëve.
Ai thotë se nuk ka pasur përgatitje për pengesë dhe këtë e shef si veprim të qytetarëve të frustruar.
“Akuzat e ministres i shoh si fëmijërore, mendoi që nuk ka pas të bëjë që është provokuar prej pushtetit në Skenderaj, mendoj që kjo Qeveri e tanishme po kërkon incidente realisht. Qytetarët duhet me kon të pjekun se dikujt i konvenon por Kosovës nuk i konvenon me pas eksese të tilla. Unë mendoj që ka qenë një veprim i qytetarëve të frustruar realisht me polarizimet që janë munduar me ndodhë, përndryshe unë nuk besoj që ka pas diçka ndonjë përgatitje për pengesë”, ka shtuar ai ndër të tjera./teve1.info/
