Trump ka nënshkruar një seri të urdhërave ekzekutivë të cilët kanë për qëllim riformësimin dhe përforcimin e ushtrisë, sipas Shtëpisë së Bardhë.
Njëri nga urdhërat ekzekutiv do fokusohet në largimin e iniciativave të diversitetit, barazisë dhe gjithëpërfshrijes (DEI), dhe tjetra është në largimin e “radikalizmit gjinor në ushtri.”
“Si shef ekzekutiv dhe si komandant i përgjithshëm, unë jam i përkushtuar ndaj meritokracisë dhe eliminimit të diskriminimit me bazë racore dhe gjinore brenda Forcave të Armatosura të Shteteve të Bashkuara.
Ai tha se çdo element i Forcave të Armatosura “duhet të veprojë i lirë nga çdo preferencë e bazuar në racë ose gjini”, duke bërë thirrje për një rishikim të praktikave diskriminuese “të dizajnuara për të promovuar një sistem preferencash të bazuar në racë ose gjini”.
Ai tha se urdhri do të sigurojë që ShBA-ja të ketë “forcën luftarake më vdekjeprurëse në botë” duke zhdukur “ideologjinë transgjinore nga ushtria jonë”, raporton AA.
Urdhri i jep Sekretarit të Mbrojtjes, Pete Hegseth 60 ditë për të zbatuar një politikë të re mbi identitetin gjinor.
Trump gjithashtu mandatoi një proces për të zhvilluar një mburojë mbrojtëse raketore “Iron Dome” që do mundësonte mbrojtjen e amerikanëve.
“E dini, ne mbrojmë vendet e tjera, por nuk mbrojmë veten,” tha ai.
Kjo politikë vihet që “të pengojë, dhe të mbrojë qytetarët e saj dhe infrastrukturën kritike kundër çdo sulmi ajror të huaj mbi atdheun; dhe…garantimi i aftësisë së tij të sigurt për goditjen e dytë”.
Ai gjithashtu nënshkroi një urdhër ekzekutiv për rivendosjen e personelit ushtarak që u shkarkua për refuzimin e vaksinave kundër COVID-19.
