Kjo deklaratë e tij erdhi pasi Kosova sot ka dorëzuar zyrtarisht kërkesën për anëtarësim në Këshillin e Evropës.
Minuta më parë pasi Qeveria ka miratuar nismën për anëtarësim në Këshillin e Evropës, Vuçiqi i është drejtuar mediave duke thënë se “e prishën” marrëveshjen e Washingtonit, raporton Danas, transmeton Teve1.info
Po ashtu, Vuçiqi ka bërë të ditur se seanca e Këshillit të Sigurisë Kombëtare do të mbahet të premten në orën 11:00.
Theksojmë se Qeveria e Kosovës sot ka mbajtur një mbledhje elektronike ku ka miratuar nismën për anëtarësimin në Këshillin e Evropës.
Përmes një komunikate, Qeveria bëri të ditur se përmes këtij vendimi obligohet Ministria e Punëve të Jashtme dhe Diasporës që të zhvillojë procedurat për anëtarësim në bazë të legjislacionit në fuqi.
Ndërkaq, në njoftimin e qeverisë thuhet se Kosova ka marrë mbështetje për anëtarësim në këtë organizatë nga disa vende evropiane, me theks nga Gjermania. /teve1.info/