Liderët e Koalicionit për Familjen kanë mbajtur takim me përfaqësuesit e Sindikatës së Pensionistëve të Kosovës.
Gjatë takimit, i cili u zhvillua në frymën e dialogut dhe bashkëpunimit, u diskutuan çështjet kyçe që prekin pensionistët në Kosovë.
Përfaqësuesit e Sindikatës sipas komunikatës ngritën shqetësime mbi nivelin e ulët të pensioneve, mungesën e mbështetjes shëndetësore adekuate dhe nevojën për përmirësimin e të drejtave sociale të pensionistëve. Ata theksuan se kjo shtresë e ndjeshme e shoqërisë meriton më shumë kujdes dhe vëmendje nga institucionet shtetërore
“Nga ana e tyre, liderët e koalicionit “Për Familjen” shprehën mirënjohje për kontributin e jashtëzakonshëm të pensionistëve në ndërmarrjen e zhvillimit të vendit. Ata siguruan përfaqësuesit e Sindikatës së Pensionistëve se çështjet e ngritura do të trajtohen me prioritet në programet e tyre politike dhe se do të angazhohen për zgjidhje konkrete në favor të pensionistëve”, thuhet në komunikatë.
