Një polic, 21-vjeçar është plagosur me armë zjarri mbrëmjen e sotme aksidentalisht nga një i mitur në poligonin e gjuajtjes “Target” në fshatin Pasjak të Novobërdës.
E.Sh., është dërguar në Qendrën Klinike Universitare të Kosovës (QKUK) në Prishtinë.
Lajmin për teve1.info e ka bërë të ditur zëdhënësi i Policisë së Kosovës për rajonin e Gjilanit Ismet Hashani, i cili tha se i mitur është arrestuar dhe me vendim të prokurorit të shtetit është intervistuar.
Ndërkohë, Hashani ka bërë të ditur se si ka ardhur edhe deri te plagosja.
“Dyshohet se deri te ky rast i rëndë të ketë ardhë kur një prerson që po ashtu ishte në poligonin e gjuajtëjes bashkë me viktimën i shkrep arma aksidentalisht. I dyshimti i mitur është arrestuar me vendim të prokurorit të shtetit dhe është intervistuar në bazë të procedurave ligjore. Njësiti i hetimeve rajonale bashkë me prokurorin e shtetit po i udhëheqë hetimet në mënyrë që të zbardhen të gjitha rrethanat e këtij rasti të rëndë”, tha ai./teve1.info/
