Dy 21-vjeçarë janë arrestuar nga Policia e Kosovës, pasi që dyshohet se janë implikuar në rastin ku një 23-vjeçar u therë me thikë, mbrëmjen e sotme në Ferizaj.
Policia thotë se të dyshuarit janë shoqëruar në stacionin policor, ndërkohë që në vendin e ngjarjes kanë sekuestruar thikën, me të cilën dyshohet se është shkaktuar lëndimi.
Kështu bëri të ditur për Tëvë1, zëdhënësi i Policisë së Kosovës për rajonin e Ferizajt, Kanun Veseli.
I lënduari si pasojë e plagëve të marra është dërguar fillimisht në Qendrën Emergjente në Ferizaj për ndihmë mjekësore dhe më pas është transportuar në Qendrën Klinike Universitare të Kosovës (QKUK) në Prishtinë për trajtim të mëtejshëm.
“Në vendin e ngjarjes kanë dalë menjëherë patrullat dhe hetuesit e stacionit policor në Ferizaj. Më pas, janë angazhuar hetuesit dhe krimteknikët rajonalë, të cilët kanë kryer ekzaminimin e vendit të ngjarjes”, tha Veseli./teve1.info/
Theret me thikë një 23-vjeçar në Ferizaj, prezentë në vendin e ngjarjes hetuesit dhe krimteknikët
