Ministria e Jashtme e Shqipërisë ka reaguar pasi u ndaluan dhe u larguan nga territori i Serbisë dy shtetas shqiptar.
Të dëbuarit po merrnin pjesë në një seminar në Beograd, ndërsa MEPJ e Shqipërisë ka kërkuar sqarim lidhur me këtë rast.
Në reagimin e ministrisë ku bëhet e ditur se për këtë rast është thirr ambasadori i Serbisë, thuhet se ky veprim nuk është në përputhje me dëshirën e Shqipërisë për fqinjësi të mirë.
“Ky veprim nuk konsiderohet në përputhje me dëshirën dhe përpjekjet tona për të ruajtur marrëdhënie të mira fqinjësore, si dhe ka impakt negativ në lëvizjen e lirë të shtetasve tanë. MEPJ kërkoi sqarime lidhur me këtë rast dhe theksoi nevojën që autoritetet serbe të rishikojnë dhe të marrin në konsideratë apelimin e vendimeve të marra. U kërkua gjithashtu që të mos lejohet përsëritja e ngjarjeve të tilla në të ardhmen”, thuhet në komunikatë.
