Azdren Shala nga Partia Socialdemokrate e Kosovës ka thënë se fushatën e shef të dobët dhe në mungesë të programeve.
Sipas Shalës, partia në pushtet gjatë fushatës është duke përdorur gjuhë stigmatizuese e linçuese ndaj kundërshtarëve politik dhe medieve.
“Është një fushatë e dobët, ne po i shohim se partitë në mungesë të programeve, në vend të programeve në vend të premtimeve konkrete se qysh ka me u shikua Kosova mas 9 shkurtit, ne shohim më shumë ofendime e thyerje të ndërsjella për të cilën edhe me të drejtë po marrin dënime nga PZAP-ja dhe kjo për ne është shqetësuese sepse qytetari i Kosovës është duke u përball me një mungesë alternativës, këtu prin sigurisht partia në pushtet e cila për dallim nga këto tjera partia në pushtet e ka gjet komplet një gjuhë tjetër që është stigmatizuese, linçuese duke filluar nga kundërshtarët politik, ndaj medieve”, ka deklaruar ai në emisionin “Ditari” në tëvë1.
Derisa, Shala thotë se partitë politike duhet të kenë një ide se si do të duket Kosova në politikën e jashtme.
“Këta duhet të kenë një ide të vetën se si do të duket Kosova në politikën e jashtme që është kryesori problem ekonomia, arsimi, shëndetësia kanë me pas rrjedh pozitive kur Kosova e kryen marrëveshjen me Serbinë. Qytetarët i kuptojnë këto premtime dhe zotime të partive politike gjatë fushatës të cilat janë të parealizueshme, sepse kur flet me shifra marramendëse në ekonomi, kur flet me qëndrime të forta në diplomaci” , shtoi ai.
Ndryshe, ai shtoi se nëse Kurti vazhdon qasjen e njëjtë ndaj ndërkombëtarëve me arrogancë e në këtë rast me Trumpin, Kosova do të ketë më shumë sanksione.
“Kam frikë se nëse Kurti vazhdon me qasjen e njëjtë ndaj ndërkombëtarëve dhe me arrogancën e njëjtë këtë rast ndaj Trumpit atëherë në fund kemi me pas edhe më shumë sanksione, kemi me pas edhe heqje të fokusit amerikan nga Kosova e kjo i kushton shumë Kosovës”, ka theksuar ai./teve1.info/
