Lëvizja Vetëvendosje të mërkurën nisi fushatën zgjedhore në qytetin e Ferizajt.
Atje, Glauk Konjufca bashkë me kandidatë për deputetë nga kjo parti u takuan me banorët e fshatit Koshare.
Ndërsa falënderoi ata për mikpritjen, Konjufca foli për sukseset e qeverisë Kurti 2, ndërsa tha se kjo qeveri ka shpenzuar aq sa ka qenë kuleta e shtetit.
Konjufca vizitoi edhe banorët e fshatrave Zllatar dhe Dardani, ku tha se biseduan për punët dhe të arriturat e qeverisë Kurti si dhe për projektet që i presin në qeverinë Kurti 3.
“Cep më cep Kosovës e cep më cep Ferizajit. Takim i këndshëm me banorët e fshatrave Zllatar dhe Dardani. Biseduam për punët dhe të arriturat e qeverisë Kurti si dhe për projektet që na presin në qeverinë Kurti 3. Mbështetje e fuqishme cep më cep për fitoren e madhe të numrit 118”, tha Konjufca.
Fushata zgjedhore e partive politike nisi më 11 janar, ndërsa zgjedhjet do të mbahen më 9 shkurt.
