Organizata Botërore e Turizmit e Kombeve të Bashkuara (UNWTO) njoftoi të martën se 1.4 miliardë njerëz udhëtuan ndërkombëtarisht në vitin 2024, duke shënuar një rritje të lartë pas periudhës së COVID 19.
Sipas UNWTO me bazë në Madrid, kjo përfaqëson një rritje prej 11% që i referohet afërsisht 140 milionë udhëtarëve më shumë krahasuar me vitin e kaluar, duke i kthyer shifrat e turizmit ndërkombëtar në nivelet para pandemisë.
Rritja më e madhe e numrit të vizitorëve krahasuar me vitin 2019 është vërejtur në Lindjen e Mesme, Evropë dhe Afrikë.
Lindja e Mesme pa 95 milionë vizitorë, Afrika regjistroi 74 milionë vizitorë, dhe Evropa mirëpriti 747 milionë vizitorë, duke shënuar rritjen më të ultë.
Sekretari i Përgjithshëm i UNWTO-së, Zurab Pololikashvili, vuri në dukje se turizmi global në shumë destinacione ka tejkaluar nivelet e vitit 2019 si në ardhjet e turistëve ashtu edhe në të ardhurat.
Ai shtoi se kërkesa e fortë pritet të nxisë rritjen e mëtejshme në vitin 2025./teve1/
