Për këtë ka reaguar zëdhënësi i Lëvizjes Vetëvendosje, Arlind Manxhuka përmes një postimi në Facebook.
Manxhuka ka thënë se kjo marrëveshje për ndihmë sociale në vlerë prej 47 milionë eurosh nuk u votua nga opozita e që sipas tij, këto parti janë mësuar t’i shërbejnë vetëm oligarkisë.
Sipas tij, opozita nuk mund ta mendojë dot një ndihmë për qytetarët e varfër.
“Opozita nuk e votoi marrëveshjen ndërkombëtare për reformimin e sistemit të ndihmës sociale në Kosovë në vlerë prej 47 milionë eurosh. Këto parti janë mësuar t’i shërbejnë vetëm oligarkisë, nuk mund ta mendojnë dot një ndihmë për qytetarët e varfër”, ka shkruar ai.
Ndryshe, sot në seancën e Kuvendit të Kosovës u ratifikuan tri marrëveshje ndërkombëtare, ndërsa dështoi ajo për ndihmë sociale. Për këtë të fundit 63 deputetë ishin pro, 24 kundër dhe asnjë abstenim. /teve1.info/
