Lidhja Demokratike e Kosovës (LDK) tubimin e radhës zgjedhor e ka mbajtur në Gurrakoc të Istogut.
Para qindra pjesëmarrësve, qytetarë e simpatizantë të LDK-së, kreu i këtij subjekti politik, Lumir Abdixhiku, ka thënë se qytetarët e Kosovës kërkojnë një drejtim të qartë dhe seriozitet për të ndërtuar një të ardhme më të mirë.
Ai theksoi se LDK-ja është e vetmja forcë politike që mund të ofrojë këtë drejtim dhe ta kthejë Kosovën në një shtet të fuqishëm dhe të qëndrueshëm.
Kandidati për kryeministër nga radhët e Lidhjes Demokratike prezantoi projektet për këtë zonë. Ai tha se zhvillimi i turizmit malor në zonën e Moknës do ta kthejë këtë vend në një destinacion të rëndësishëm turistik.
Abdixhiku theksoi se kjo iniciativë do të krijojë mundësi të reja punësimi për banorët dhe do të kontribuojë në zhvillimin e qëndrueshëm ekonomik të rajonit.
“Le ta themi qartë, le ta themi thjeshtë, kur gjerat shkojnë keq, kur gjërat shkojnë mbrapsht, kur eksperimentet përfundojnë, e kur qytetaret tanë kërkojnë seriozitet. Kur qytetar tanë kërkojnë punë. Kur qytetaret tanë kërkojnë shtet, ata kanë një adrës të vetëm, kanë një drejtim të vetëm, kanë një shtëpi të vetme, kanë LDK-në, shpresën e parë dhe të fundit të Kosovë”, ka thënë ai.
