Kandidati për deputet nga radhët e Aleancës për Ardhmërinë e Kosovës, Arton Demhasaj ka thënë se me Ramush Haradinaj kryeministër, Kosova do të bëhet anëtare e NATO-s në mandatin e dytë të presidentit Trump.
Demhasaj ka thënë se Haradinaj në Amerikë e Pentagon ka diskutuar dhe edhe për këtë.
I pyetur nëse ka pasur zotime për një gjë të tillë ai ka thënë se po dhe kjo është bërë edhe nga Departamenti i Shtetit.
“Haradinaj ka qenë në Amerikë, Pentagon, madje jo vetëm në Penagaon po edhe në State Departament, prandaj është arsyeja që z.Haradinaj nesër e (hënë), udhëton për Washington se ka ftesë zyrtare për me marrë pjesë në inaugurimin e presidentit Trump dhe ushtria ka filluar në mandatin e Trumpit u krijua në mandatin e tij dhe të garantoj që ushtria, Kosova me kryeministër Ramush Haradinaj ka me u bë pjesë e NATO-s në mandatin e presidentit Trump”, ka thënë Demhasaj në emisionin “InfoNata” në Tëvë1.
Demhasaj nuk e sheh të vështirë procesin pas mbështetjes nga ShBA dhe me pas do të fillojnë negociatat me shtetet anëtare.
