Për Cristiano Ronaldon asgjë nuk është e pamundur, sidomos kur bëhet fjalë për paratë, dhe rekordet.
Klubi saudit Al Nasr e ka përgatitur një kontratë të “çmendur” për Ronaldon, në mënyrë që ai të rinovojë përsëri.
Ronaldo përfitonte shifra të përafërta edhe nga kontrata aktuale, mes rrogës dhe aktiviteteve promocionale për Arabinë Saudite.
Por sipas disa mediumeve arabe, marrëveshja e re do t’ia sigurojë atij 200 milionë euro në sezon vetëm si rrogë.
Gazetat atje pretendojnë se përfitimet e Ronaldos nga kontrata e re janë rreth 3,8 milionë euro në javë, më shumë se 500 mijë euro në ditë, për qëndrimin e tij te Al Nasr në një marrëveshje që mendohet se është “shumëvjeçare”.
Ronaldo, tek Al Nasr kaloi në janar të vitit 2023, teksa deri më tani ka shënuar 60 gola në 60 ndeshje të luajtura.
