Aktorja Eva Longoria ka vendosur të rrisë ndihmën e saj për ata që janë prekur nga zjarret masive në Los Angeles, duke çuar donacionin nga 50,000 në 1 milion dollarë.
Ky kontribut do të mbështesë Fondacionin e Komunitetit Latino dhe Fondacionin e Komunitetit të Kalifornisë, të cilat janë angazhuar në ndihmën dhe rikuperimin e zonave dhe familjeve të prekura nga flakët.
Zjarret kanë shkaktuar një shkatërrim të madh, duke lënë pas mbi 24 viktima dhe duke shkrumbuar më shumë se 40,000 hektarë tokë, siç raporton “DailyMail”.
Longoria, e cila vetë është evakuuar nga shtëpia e saj për shkak të flakëve, ka përdorur çmimin “Guximi dhe Qytetërimi”, i dhënë nga Jeff Bezos, për të financuar këtë donacion.
