Klubi i futbollit Ferizaj, që bën gara në Superligën e Kosovës, ka njoftuar të hënën se ka firmosur kontratë me mesfushorin Erion Salihu.
19-vjeçari është zhvilluar te klubi i njohur nga Zvicra, Servette.
Së fundmi, ishte te skuadra e kategorisë së tretë zvicerane, Grand-Saconnex, por nuk luajti.
I ka katër paraqitje për U17 të Zvicrës e më pas i luajti katër ndeshje me U19 të Kosovës.
Te Ferizaj presin shumë nga futbollisti i talentuar.
