Basketbollisti i Bashkimit, Jayveous McKinnis e ka fituar epitetin e më të mirit për xhiron e 15-të në Superligë.
Federata e Basketbollit të Kosovës (FBK), ka bërë të ditur se McKinnis është shpallur “MVP i Javës” pas paraqitjes fantastike që e pati në fitoren e Bashkimit ndaj Vëllaznimit.
McKinnis ndeshjen e mbylli me “double-double” prej 24 pikëve e 20 kërcimeve duke dominuar plotësisht në sfidën e luajtur në Prizren.
Po ashtu, McKinnis është përfshirë edhe në pesëshen më të mirë, të cilën e përbëjnë edhe Malik Johnson i Trepçës, Tulio Da Silva i Pejës, si dhe Ricky Tarrant e Rashid Mahalbashiq të Sigal Prishtinës.
Jonson me 29 pikë, 7 kërcime e 8 asistime udhëhoqi Trepçën në fitoren ndaj Golden Eagle Yllit, ndërsa Da Silva regjistroi 20 pikë e 5 kërcime në fitoren e Pejës kundër Proton Cable Prizrenit
Sigal Prishtina e mposhti Borën, ku Mahalbashiq pati 22 pikë e 7 kërcime kurse Tarrat shtoi 25 pikë, 3 kërcime e 5 asistime.
