Ai tha se ideja e Ballkanit të Hapur, procesi i Berlinit, ose e Unioni i propozuar nga Macron e kanë një qëllim të njëjtë.
Sipas tij, qëllimi është futja e vendeve të Ballkanit Perëndimor në bashkëpunim para anëtarësimit në BE.
“Ideja dhe qëllimi është që Ballkani Perendimor me pasë një unifikim dhe një bashkëpunim të ndërsjellë të shteteve para se me ardh te anëtarësimi në Bashkimin Europian. Ideja dhe qëllimi është që me i shti me ndërvepru me bashkëpunu në mënyrë reciproke mes vete në mënyrë që kur të vie koha e anëtarësimit të këtyre shteteve në BE, mos me pasë telashe siç ka pasur në të kaluarën”, tha ai në emisionin “Këndi i Debatit”.
Kurse për Kosovën dhe Bosnjen si dy vende të fundit në procesin integruese, sipas Demhasajt kjo ide mund të jetë më e favorshme, në krahasim me vendet që tashmë kanë hapur negociata me BE-në.
“Sa i përket Kosovës dhe Bosnjes si dy vende të fundit për të hyrë në BE mund të jetë më e favorshme kjo, dhe në anën tetër mund të jetë më pak e favorshme për vendet që kanë hapur negociata dhe janë duke negociuar në BE-në, sepse ato janë më afër derës së Bashkimit Europian dhe ato në njëfarë mënyre i vonon në proces dhe i barazon me vende të tjera siç është Kosova dhe Bosnja apo edhe Shqipëria që akoma nuk i ka fillu negociatat”, ka thënë Demhasaj.
Tutje ai tha se ideja që vendet e Ballkanit Perëndimor me i vendos në një bashkepunim është diskutuar më herët. Sipas tij duke filluar prej procesit të Berlinit e deri te Open Ballkan-i kanë pasur idenë e njëjtë vetëm që siç tha ai është transformuar në diçka me emra ndryshe./teve1.info/.
