Vetëm pak minuta pasi zyrtarizoi largimin e Haaland drejt Manchester City-t, Borussia e Dortmundit ka prezantuar edhe sulmuesin që do të marrë vendin e norvegjezit në skuadrën verdhezi.
Bëhet fjalë për Karim Adeyemin, gjermanin 21-vjeçar, që ashtu si Haaland, vjen nga austriakët e Salzburgut dhe ka firmosur një kontratë 5-vjeçare me Borussian e Dortmundit.
Sulmuesi gjerman kreu vizitat mjekësore ditën e sotme dhe më pas firmosi kontratë deri në verën e 2027-ës, ndërsa në arkat e austriakëve të Salzburg kalojnë 35 milionë euro.
Karim Adeyemi ka shënuar 19 gola këtë sezon me Salzburgun dhe ka dhënë tre asiste, ndërsa në prezantimin me Dortmundin, deklaroi se është një tifoz i verdhezinjve, ndaj u ka dhënë prioritet sapo dëgjoi për interesimin e tyre.
