Krasniqi në Facebook tha se Rama me vizitën e sotme në Hagë tregoi kujdesin vëllezëror ndaj Kosovës.
“Falemnderit nga zemra Kryeministrit Edi Rama për kujdesin vëllazëror që po tregon ndaj Kosovës. Sot, me vizitën e tij në Hagë, te Presidenti Hashim Thaçi, ai u kujdes për Kosovën dhe na rikujtoi se vlerat tona solidare janë të përtejkufijshme – siç ishin edhe në ditët më të vështira kur populli shqiptar i Kosovës po luftonte për lirinë e tij”, tha ai.
Sipas tij kjo vizitë është nderim i luftës së drejtë të Ushtrisë Çlirimtare të Kosovës.
“Kjo vizitë është nderim i lartë ndaj vlerave më të shenjta kombëtare e të historisë më kuptimplotë të popullit shqiptar – luftës së drejtë të Ushtrisë Çlirimtare të Kosovës, për mbrojtën e të cilave djemtë e saj po e bëjnë edhe një betejë”, ka shkruar tutje ai.
