Sipas tij, kjo ide ka qenë më tepër performancë parazgjedhore e SBASHK-ut, pasi siç thotë ai, e njëjta është përmendur para zgjedhjeve që janë mbajtur më 2 prill.
“Problemi që kjo ideja e testimit të mësimdhënësve më shumë ka dalë nga udhëheqja e SBASHK-ut sesa nga të tjerë, pastaj e njëjta edhe është kundërshtuar. Pra, më tepër i ka ngjarë një performance ndoshta. Unë kam menduar se është performancë parazgjedhore, sepse i kanë pasur zgjedhjet tash së fundi. Përndryshe kjo ide është përmendur para pesë apo gjashtë vitesh, nga nëse nuk gaboj ministri Arsim Bajrami njëherë, dhe ndërkohë janë ndërruar tre ministra, asnjë tjetër nuk e ka përmendur idenë e testimit të mësimdhënësve. Pra, ajo nuk është opsion”, tha ai në “Ditari” në Tëvë 1.
Pupovci theksoi se në bashkëpunim me SBASHK-un, janë duke kërkuar mënyra tjera për vlerësimin e performancës së mësimdhënësve, pasi që sipas tij, sistemi që ekziston prej vitit 2012, nuk është duke funksionuar. /Teve1.info/
