Lëvizja Vetëvendosje ka mbajtur takim me simpatizantë në Ferizaj.
Për këtë takim ka shkruar kryeministri Albin Kurti, njëherit i nominuar edhe për një mandat në krye të qeverisë.
Kurti ka thënë se nga Ferizaj do të vazhdojnë në të gjitha qytetet deri më 9 shkurt për më shumë rritje e zhvillim.
“Aty ku ndahet rrjedha e lumit të Nerodimës në dysh, aty bëhemi bashkë në një, sepse rrjedha jonë as nuk ndahet e as nuk ndalet. Sonte ishim në Ferizaj, e prej aty do të vazhdojmë, krah për krah, cep më cep drejt 9 shkurtit për më shumë rritje, zhvillim e siguri. Ju falemnderit për përkrahjen dhe mikpritjen, e mirupafshim më 19 janar në Sallën e Sporteve “Bill Clinton’”, ka shkruar Kurti.
