Zjarri i madh që po përhapet me shpejtësi ne Los Anxhelos, Kaliforni ka detyruar 30,000 njerëz të evakuohen, dhe zyrtarët kanë paralajmëruar që përkeqesimi i erërave mund të dërgoj në eskalim të mëtejshëm të flakës, raporton agjensia Anadolu.
Departamenti i Zjarrfikësve të Los Anxhelosit ka raportuar se zjarri në lagjen Palisadat e Paqësorit bregdetar ka shpërthyer të martën në mëngjes.
I nxitur nga erërat që arrinin 64 km/h, flaka u shpërnda shpejt, duke djegur 200 hektarë brenda disa orëve.
Zjarri ka konsumuar 2,921 hektarë dhe përbën një rrezik eminent për 10,000 shtëpi. Autoritetet kanë urdhëruar evakuimin e rreth 30,000 qytetarëve në zonën e afektuar.
Zjarrëfikësit në LA kanë raportuar për disa lëndime, përfshirë edhe viktima të djegura. Një zjarrfikëse pësoi një lëndim serioz të kokës duke u munduar të shuaj zjarrin.
Shërbimi Kombëtar i Motit ka lëshuar paralajmërime me flamurin e kuq për qarqet e Los Anxhelosit dhe Venturës, duke paralajmëruar se erërat në zonat malore dhe kodrinore mund të kalojnë shpejtësinë 160 km/h (100 mph), duke komplikuar më tej përpjekjet për shuarjen e zjarrit.
