Ministri i Punëve të Brendshme, Xhelal Sveçla ka thënë se është mbyllet edhe një institucion paralel i Serbisë në Mitrovicën Veriore.
Ai ka thënë se ky institucion ka mbledhur ilegalisht mjete financiare nga qytetarë e subjekte që jetojnë e veprojnë në Republikën e Kosovës
“Aktiviteti ilegal i Agjencionit Tatimor të Serbisë do të hetohet nga të gjithë mekanizmat tanë institucional ndërsa ne do të vazhdojmë të luftojmë çdo paralelizëm kriminal të Serbisë përballë institucioneve tona. Ky institucion ka mbledhur ilegalisht mjete financiare nga qytetarë e subjekte që jetojnë e veprojnë në Republikën e Kosovës. Haraçi është i dënueshëm dhe rreptësisht i ndaluar për këdo që e zhvillon atë. E në këtë rast, ai zhvillohej nga grupe kriminale lojale ndaj Serbisë agresore dhe figurave si Vladimir Putin”, ka thënë ai.
Tëvë1 ka mësuar se aksioni është duke u realizuar në objektin që operonte si Administratë Tatimore e të ardhurave të Serbisë.
Sipas zëvendëskomandantit të policisë për rajonin e veriut, Veton Elshani, ka thënë se kanë sekuestruar dokumentacionin dhe kanë hapur rastin për falsifikim të dokumenteve.
“Ky është një institucion paralel. Kemi sekuestruar dokumentacionin dhe kemi hapur rastin për falsifikim të dokumenteve”, ka deklaruar Elshani./teve1.info/
